Obama Ebola indetin jahandyq qater dep atady
ASTANA. QazAqparat - AQSh Prezıdenti Barak Obama Batys Afrıkada órship turǵan Ebola dertin álemge qaýip tóndirgen indetke teńedi, dep jazady sheteldik BAQ.
Ol óz baıandamasynda Ebolanyń baqylaýdan shyǵyp bara jatqandyǵyn, eger ony tez arada aýyzdyqtaý múmkin bolmasa júz myńdaǵan adamnyń ajal qushýy yqtımal ekendigin atap ótti.
Amerıka prezıdenti álemdik qaýymdastyqtardy bul vırýsty órshitpeı, óz oshaǵynda tunshyqtyrý úshin budan da tıimdi amaldardy jasaýǵa shaqyrdy.
DDSU shamamen osyǵan deıin Ebola bezgeginen 2,5 myń adam óldi degen boljam aıtady. Al, BUU úılestirýshisi Devıd Nabarro jaqynda bul dertti tolyqtaý tunshyqtyrý úshin 1 mlrd. dollar qajet ekenin aıtqan.
