Obama birjynystylar nekesin zańdastyrýdy quptady
ASTANA. 12 mamyr. QazAqparat - AQSh Prezıdenti Barak Obama birjynystylardyń nekesin zańdastyrý máselesin kóterdi, dep jazady «Alash aınasy» gazeti.
«Menińshe, birjynysty adamdardyń da zańdyq nekege otyrýǵa quqy bar» dep málimdedi ol jergilikti telearnalarǵa bergen suhbatynda. Onyń aıtýynsha, birjynystylarǵa nekege otyrýǵa múmkindik berý qajettigi jónindegi tujyrym oǵan kópjyldyq talqylaýlardan keıin paıda boldy. Bul máseleni AQSh ákimshiliginde de otbasynda, dostar men týystar arasynda talqylaǵan. Bul pikirdi óziniń jubaıy Mıshel Obama da qýattaıtynyn aıtyp ótti. Jaqyn bolashaqta munyń zańdyq negizde qabyldanatynyn málimdedi.
Aıta keterligi, 2010 jyly Barak Obama bul máselege qatysty jeke kózqarasy áli joq ekenin aıtqan edi. Birneshe kún buryn ǵana bul máseleni AQSh-tyń vıtse-prezıdenti Djozef Baıden de sóz etken bolady. Degenmen sarapshylardyń aıtýynsha, bul Barak Obamanyń saılaý aldyndaǵy is-qımyldarynyń biri bolyp tabylady.
