Obama baılarǵa salyq kóbeıtý jónindegi usynysty qoldady
ASTANA. 16 tamyz. QazAqparat - AQSh prezıdenti Barak Obama eldiń eń aýqatty adamdarynyń biri, Berkshire Hathaway ınvestıtsııalyq holdıngisiniń basshysy Ýorren Baffettiń baı amerıkalyqtarǵa salyq kóbeıtý jáne shyǵyndardy azaıtý bıýdjet daǵdarysyn jeńip, eldiń memlekettik qaryzdarynan qutylýǵa kómektesedi degen usynysyn qoldady.
Bul pikirin B.Obama AQSh-tyń Ortalyq Batysy boıynsha jasaǵan avtotýr barysynda málimdedi, dep jazady Reuters.
«Ý.Baffett myrzamen salystyrǵanda, qatardaǵy amerıkalyqtardyń jalaqysy tómen bolǵanmen, salynatyn tabys salyǵy olar úshin joǵary», - dedi prezıdent.
Buǵan deıin Ý.Baffettiń habarlaǵanyndaı, ótken jyly ol qazynaǵa 7 mln. dollar tólegen, alaıda ol onyń tabysynyń tek 17%-yna ǵana teń, al onyń kompanııasynyń qalǵan qyzmetkerlerine salynǵan salyq mólsherlemesi orta eseppen 36% quraǵan. Ý.Baffettiń pikirinshe, salyq tóleýshilerdiń basym bóligi úshin qolda bar salyq mólsherlemelerin qaldyrý kerek, alaıda jyldyq tabysy 1 mln. dollardan asatyn adamdar úshin salyq mólsherin kóbeıtken jón.
