Obama básten utylǵany úshin Kanada premerine syra jiberetin boldy
ASTANA. QazAqparat - Sochı Olımpıadasyndaǵy hokkeı týrnıri nátıjesi boıynsha básten utylǵan AQSh Prezıdenti Barak Obama Kanada Premer-Mınıstri Stıven Harperge eki jáshik syrany berip jibermek.
Belgili bolǵandaı, Obama men Harpen hokkeıden erler men áıelder týrnırindegi jeńimpazdar úshin syraǵa bástesken kórinedi jáne árqaısysy óz elderiniń quramasynyń jeńisine bás tikken.
Nátıjesinde, erler týrnıriniń jartylaı fınalynda kanadalyq hokkeıshiler AQSh quramasynan basym tússe, Kanadanyń áıelder quramasy amerıkandyqtardy fınalda utyp ketti.
Osydan keıin endi Vashıngtondaǵy Kanada elshiligine eki jáshik syra jetkiziletin boldy. Bul syra Aq úı baqshasynda jınalǵan baldy paıdalana otyryp qaınatylǵan eken.
Atap aıtqanda, Obama Harperge tórt jyl buryn Vankýver Oıyndarynda hokkeı týrnıriniń qorytyndysy boıynsha da utylǵan bolatyn. Sol kezde de AQSh quramasy kanadalyqtarǵa ese jiberip alǵan edi, dep jazady VVS.
