Obama Arktıka aýmaǵynyń keıbir bólikterinen munaı men gaz óndirýge tyıym saldy
ASTANA. QazAqparat - AQSh prezıdenti Barak Obama Arktıka aýmaǵynyń keıbir bólikterinen munaı men gaz óndirýge tyıym saldy. Bul týraly Aq úıdiń saıtynda AQSh pen Kanadanyń birlesken málimdemesinde aıtylǵan.
Amerıkandyq tarap Atlant muhıty men Alıaska jaǵalaýynda, Chýkot jáne Bosfort teńizderiniń aýmaǵynda ken óndirýge tyıym saldy. Bul sheshim árbir bes jyl saıyn qaıta qaralady, dep jazady russian.rt.com.
Amerıkandyq kóshbasshy óz Twitter-inde Soltústik muzdy muhıt aýmaǵyndaǵy ken óndirýge tyıym salý ǵalamshardy qorǵaıtyndyǵyn, Trýdo ekeýiniń mundaı sheshim qabyldaǵandaryn maqtan etetinin jazdy.
