Obama AQSh-tyń kelesi prezıdenti áıel adam bolady degen senimde
ASTANA. 30 qarasha. QazAqparat - AQSh-tyń bolashaq prezıdenti áıel adam bolady degen sybystar kezdeısoq emes. Bul týraly Amerıkanyń kóshbasshysy Barak Obama AVS arnasyna bergen suhbatynda aıtqan. Oǵan ol óziniń jubaıy Mıshel Obamamen qatysqan.
«Bizdiń elde memlekettik qyzmet jumysyn jap-jaqsy atqaryp júrgen áıelder barshylyq. Jaqyn arada bizdiń eldi áıel-prezıdent basqarady degenge eshqandaı kúmánim joq», - dedi senimdi túrde Obama. AQSh-tyń birinshi hanymy óziniń jubaıynyń ornyna taqqa otyrǵysy kelmeıtinin atap ótti. «Árıne, joq», - dep málimdedi ol.
AQSh-tyń bolashaq áıel-prezıdenti jaıly sybystar kezdeısoq emes. Erterekte Amerıkanyń burynǵy prezıdenti Bıll Klınton jaqyn arada eldi áıel adam basqarady dep boljaǵan edi. Saıasatker onda óziniń jubaıy Hıları Klınton jaıly aıtqan bolýy kerek.
2008 jyly Hıları Klınton «praımerızde» jınaǵan daýysy az bolyp, jeńis Obamaǵa buıyrǵan bolatyn.
Suhbat berý kezinde prezıdenttik jup qarapaıym otbasylyq suraqtardy sóz etti. Obama men ony áıeli 2017 jyly prezıdenttik merzim aıaqtalǵannan keıin qaıda turatynyn áli sheshpegenderin aıtty. Olardyń mektepte oqıtyn qyzdaryna kómektesý úshin Vashıngtonda qalýlary ábden múmkin.
Prezıdent bolyp saılanǵanǵa deıin olar Illınoıs shtatynda Chıkagoda turyp kelgen. Obamanyń úlken qyzy Malııa 2017 jyly, shamamen alǵanda, ýnıversıtette oqıtyn bolady, dep jazady «Segodnıa.ua».
