Obama AQSh-tyń qazirgi prezıdenti Trampqa qarsy narazylyqtardy qoldady
ASTANA. QazAqparat - AQSh-tyń burynǵy prezıdenti Barak Obama óziniń izbasary Donald Trampqa qatysty narazylyqtardy qoldady. Bul týraly Politico basylymy jazýda.
Obamanyń pikirinshe, narazylyq aktsııalaryna shyǵyp jatqan azamattar jınalys uıymdastyrýǵa ózderiniń konstıtýtsııalyq quqyqtaryn júzege asyrýda.
Obama bosqyndardy qabyldaýdy toqtatý týraly Tramptyń sheshimi amerıkalyq qundylyqtarǵa qaýip týǵyzyp otyrǵandyǵyn atap ótti.
Aıta keteıik, Tramp 27 qańtar kúni grın-kartalardy ıelenýshilerge - Iran, Irak, Iemen, Lıvııa, Sırııa, Somalı jáne Sýdan azamattaryna AQSh aýmaǵyna tyıym salatyn jarlyqqa qol qoıdy. Onymen qosa, 120 kún merzimge sırııalyq bosqyndardy qabyldaý toqtatyldy. Qol qoıylǵan qujatta atap ótilgendeı, sırııalyq mıgranttardyń kelýi AQSh múddelerine zalal keltirýde.
AQSh prezıdenti óz sheshimine qatysty pikir bildire kele, bul shara musylmandarǵa qarsy emes, lańkesterge qarsy baǵyttalǵandyǵyn túsindirip ótti. Onyń sózinshe, barlyq elder azamattaryna vızalardy berý 90 kún ishinde qaýipsizdik saıasatynda qosymsha sharalar qabyldanǵan sátte qaıta jandandyrylatyn bolady.
