Obama: AQSh kelesi aptada Aýǵanstandaǵy jaýyngerlik mıssııasyn aıaqtaıdy
ASTANA. QazAqparat - AQSh kelesi aptada Aýǵanstandaǵy óziniń jaýyngerlik mıssııasyn aıaqtaıdy. Bul kúnderi Gavaı araldarynda rojdestvolyq demalysta júrgen AQSh Prezıdenti Barak Obama amerıkandyq áskerı qyzmetshilermen kezdesýde osyndaı málimdeme jasady, dep habarlady TASS.
«Biz 13 jyldan astam ýaqyt boıy soǵys jaǵdaıynda boldyq», dedi ol, Aýǵanstanda 2001 jylǵy qazanda bastalǵan operatsııa Vashıngton men Nıý-Iorktegi lańkestik aktilerge jaýap ekenin aıta kelip.
«Kelesi aptada biz Aýǵastandaǵy óz jaýyngerlik mıssııamyzdy aıaqtaımyz», dep sendirdi Obama, buǵan kezdesýge qatysyp otyrǵan áskerı qyzmetshilerdiń biri «ýra» dep aıqaılap jiberdi, onyń qarýlas joldastary bul habardy qol shapalaqtap qarsy aldy.
Obama amerıkandyq soǵys naýqanynyń arqasynda aýǵandyqtardyń «óz elin qalpyna keltirý múmkindigi bar» ekenine senimin bildirdi, Qurama Shtattardyń da qaýipsizdigi nyǵaıa tústi. Aýǵanstan «budan bylaı lańkestik shabýyldardyń oshaǵy bolmaıdy» dep sanaıdy Aq úı qojaıyny.
Ol sonymen qatar, alda áli de «Irakty qosa alǵanda, álemniń ártúrli bóliginde kúrdeli mıssııalar» bar ekenin atap ótti, olardyń arasynda AQSh-tyń «Islam memleketi» lańkestik tobymen kúreske qatysatynyn tilge tıek etti.
