Obama: AQSh Aýǵanstannan óziniń áskerin 2016 jylǵa qaraı tolyq shyǵarady
ASTANA. QazAqparat - Qurama Shtattar Aýǵanstandaǵy óziniń áskerı mıssııasyn 2014 jyly aıaqtaıdy. 2015 jyldyń basynda onda 9,8 myń amerıkandyq áskerı qyzmetshiler qalady, kelesi jyldyń sońynda olar eki ese azaıady. al odan keıingi jylda amerıkandyq áskerler elden birjolata shyǵarylýy josparlanýda. Bul týraly AQSh Prezıdenti Barak Obama Aq úıde sóılegen sózinde aıtty, dep habarlady ITAR-TASS.
«Biz bastaǵan isimizdi aıaqtap kelemiz. Sońǵy birneshe jyldyń ishinde biz eldegi qaýipsizdik jaýapkeprshiligin aýǵan halqyna berýmen aınalystyq, dep málimdedi Obama. Budan bir jyl buryn aýǵan áskerıleri áskerı operatsııalarǵa qolbasshylyq etýdi ózderine aldy. Sol kezden beri olardyń sany da, kúsh-qýaty da arta túsýde, sonymen qatar olar óz eliniń ıgiligi úshin úlken qurbandyqtarǵa da bardy. Bul óz kezeginde bizdiń óz áskerlerimizdiiń sanyn 100 myńnan búgingi kúni shamamen 32 myń adamǵa deıin qysqartýymyzǵa múmkindik berdi».
«2014 jyl betburysty kezeń bolady. Biz óz oraqtastarymyzben jáne aýǵan úkimetimen birge bıylǵy jyly Aýǵanstandaǵy óz mıssııamyzdy aıaqtaý jóninde sheshim qabyldadyq», dedi memleket basshysy.
Sonymen qatar prezıdent AQSh «Aýǵanstanmen 2014 jyldan keıin de eki negizgi baǵyt boıynsha: aýǵandyq áskerlerdi daıarlaý jáne elde qalyp otyrǵan «Ál-Kaıda» sodyrlarymen lańkestikke qarsy operatsııalardy qoldaý úshin yntymaqtastyqqa ashyq", dep atap ótti.
Obama sondaı-aq «eger Aýǵanstan úkimeti bizdiń úkimetterimiz arasynda talqylanǵan qaýipsizdik salasyndaǵy yntymaqtastyq týraly ekijaqty kelisimge qol qoıatyn bolsa, AQSh 2014 jyldan keıin de áskerı qatysýyn qarastyrady», dep atap kórsetti. «Prezıdenttk saılaýdyń sońǵy týrynda eki úmitker deqyzmetterine kirskennen keıin kelisimge qol qoıatynyn bildirdi», dep qosty memleket basshysy.
Aq úıdiń resmı ókili seısenbi kúni memleket basshysy Aýǵanstan, Germanııa, Ulybrıtanııa jáne Italııa kóshbasshylarymen telefon arqyly sóıleskenin onda, amerıkandyq áskerlerdi Aýǵanstan aýmaǵynan shyǵarý máselesi talqylanǵanyn aıtty. «Búgin tańerteń Obama Aýǵanstan prezıdenti Hamıd Karzaımen telefon arqyly sóılesip, oǵan óziniń sheshimin habarlady" dedi Aq úıdiń resmı ókili jýrnalıstermen suhbatynda.
Vashıngton men Kabýl arasyndaǵy qaýipsizdik salasyndaǵ yntymaqtastyq týraly ekijaqty kelisim amerıkandyq áskerı kontıngenttiń Aýǵanstanda 2014 jyldan keıin de qatysýyn qarastyrady.
2014 jyldan keıin de Aýǵanstandaǵy áskerı qatysýdy saqtap qalý AQSh bıýdjetine shamamen 20 mlrd. dollarǵa túsedi. Bul týraly SNN telearnasyna bergen suhbatynda amerıkandyq prezıdenttiń ulttyq qaýipsizdik jónindegi kómekshisiniń orynbasary Tonı Blınken málim etti.
Mundaı shyǵynnyń qandaı qajettigi bar, degen suraqqa Blınken «Biz bastaǵan júmysymyzdy aıaqtaýǵa tıispiz», dedi. Sonymen birge ol «AQSh sheksiz áskerı qımyldar júrgize almaıdy», dep atap ótti.
Aýǵanstan men Pákistannyń áskerı qolbasshylyǵy Amerıka Qurama Shtattarynyń 2016 jyldyń sońyna deıin birneshe myń amerıkandyq áskerı qyzmetshilerdi aýǵan aýmaǵynda qaldyratyny týraly sheshimin oń baǵalady.
