Obama ákimshiligi jumystyń sońǵy saǵattarynda Palestınaǵa $221 mln aýdarǵan
ASTANA. QazAqparat - AQSh-tyń eks-prezıdenti Barak Obamanyń ákimshiligi Aq úıdegi jumystarynyń sońǵy saǵattarynda Palestına avtonomııasyna 221 mln dollar aýdarǵan.
Buǵan AQSh Kongresindegi Respýblıkalyq partııa uzaq ýaqyt boıy qarsy bolyp kelgen edi. Bul týraly dúısenbi kúni keshke Associated Press agenttigi derekkózge silteme jasap habarlady.
Onyń málimetinshe, Obama ákimshiligi Kongresti bul nıetteri týraly 20 qańtar kúni tańerteń, Donald Tramptyń AQSh prezıdenti laýazymyna resmı kiriserden birneshe saǵat buryn hat júzinde habardar etken. AQSh memhatshysy Djon Kerrı zańnamashylarǵa ákimshiliktiń qabyldaǵan sheshimi týraly bir kún buryn jarııa etken.
Obama ákimshiligi Palestınaǵa aýdarylǵan qarjyǵa qosymsha syrtqy saıasattaǵy shyǵyndarǵa - 6 mln dollar bóldi. Onyń 4 mln dollary klımatty ózgertý baǵdarlamalaryna, 1,25 mln dollary BUU qamqorlyǵyndaǵy uıymdardyń qajettiligine, sondaı-aq 1,05 mln dollary Aýǵanstan men Pákistan, sondaı-aq Ońtústik jáne Ortalyq Azııa Bıýrosy isteri jónindegi Memlekettik departamenttiń arnaıy ókiliniń qyzmetin qarjylandyrýǵa baǵyttalǵan.
Obamanyń mundaı sheshimi Kongrestiń keıbir músheleriniń, sondaı-aq Tramp pen onyń aınalasyndaǵylardyń jaǵymsyz reaktsııasyn týǵyzýy múmkin, dep atap ótedi agenttik.
