Obama ákimshiligi Ortalyqazııalyq aımaqpen túgeldeı ekonomıkalyq áriptestikti damytýǵa múddeli - R.Bleık
TAShKENT. 19 aqpan. QazAqparat /Qurmat Samarhan/ - Obama ákimshiligi AQSh-tyń Ortalyqazııalyq óńirmen túgeldeı ekonomıkalyq áriptestigin damytýǵa úlken kóńil bóledi. Bul týraly AQSh Memlekettik hatshysynyń kómekshisi Robert Bleık juma kúni Ózbekstan astanasynda málim etti.
17-18 aqpan kúnderi AQSh Memlekettik hatshysynyń kómekshisi Robert Bleık Tashkentke sapar jasady. Memlekettik hatshynyń kómekshisimen birge Qurama Shtattardaǵy iri kompanııa ókilderi de Ózbekstanǵa keldi.
Sapary barysynda R.Bleık eki eldiń syrtqy saıasat vedomstvolary arasyndaǵy Jyl saıynǵy ekijaqty konsýltatsııalardyń ekinshi raýndyna qatysty.
Sonymen qatar AShQ Memlekettik hatshysynyń kómekshisi Amerıkan-Ózbekstan bıznes forýmyna qatysty, forýmǵa sondaı-aq «Ekson Mobıl», «Boıng», «Djeneral elektrık Enerdjı» sııaqty Amerıkanyń iri kompanııalarynyń ókilderi de kelgen edi.
Bıznes-forýmda sóz alǵan R.Bleık Obama ákimshiligi AQSh-tyń Ortalyqazııalyq óńirmen túgeldeı ekonomıkalyq áriptestik ornatýǵa úlken kóńil bóletindigin jetkizdi.
Sonymen qatar AQSh Memlekettik hatshysynyń kómekshisi BAQ ókilderi úshin qorytyndy baspasóz máslıhatyn ótkizip, Ózbekstan azamattyq qoǵamynyń belsendilerimen kezdesti.
