Obama ákimshiligi Lıvııadaǵy elshisin, onyń Wikileaks-ke belgili bolyp qalǵan qyzmettik habarlamasy úshin qyzmetinen bosatýy múmkin

Memlekettik departament qyzmetkerleriniń habarlaýynsha, Djın Kretts budan ary Lıvııa bıligimen birigip jumys isteýiniń qaýipti bolýy múmkin bolǵandyqtan, Trıpolıge qaıtarylýy múmkin, dep habarlaıdy Associated Press.

Aq úıdiń baspasóz hatshysy Fılıpp Kroýlıdiń aıtýynsha, Djın Kretts qazir keńesý úshin Vashıngtonda júrgen kórinedi. Onyń Trıpolıge oralar-oralmasy ázirge belgisiz.

Sonymen qatar, Wikileaks Lıvııa basshysy Mýammar Kaddafıdiń 2009 jyly Birikken ulttar uıymynyń Bas Assambleıasynyń otyrysyna qatysý úshin AQSh-qa barǵan sapary kezinde, óz shatyryn Manhettenge ornalastyrýǵa jáne buryn Búkilálemdik saýda úıiniń ǵımaraty bolǵan «egiz munaralar» turǵan jerdi kórýge ruqsat ala almaǵanyna qatty qapalanǵandyǵyn jarııalaǵan.