Obama: adam quqyqtarynyń problemasy Kýbamen dostyqqa kedergi keltirýde
ASTANA. QazAqparat - AQSh prezıdenti Barak Obama Kýba men Amerıka Qurama Shtattarynyń baılanysyn nyǵaıtýǵa adam quqyqtary men demokratııa máseleleri boıynsha kelispeýshilikter kedergi keltirip otyrǵanyn málim etti.
Obamanyń sózine qaraǵanda, Kýbaǵa qarsy embargo aıaqtalǵaly jatyr, alaıda ony tolyq alyp tastaý kelispeýshilikterdiń joıylýyna baılanysty bolmaq.
"Kýbanyń bolashaǵyn kýbalyqtar tańdaıdy. AQSh demokratııany, sonyń ishinde kýbalyqtardyń bolashaǵyn tańdaý quqyǵyn qoldaıtynyn aıttym", - dedi Obama.
AQSh prezıdenti densaýlyq saqtaý jáne bilim berý salalarynda kýbalyq bıliktiń jetistikterin kórip otyrǵanyn atap ótti.
Kýbalyq kóshbasshy Raýl Kastro, óz kezeginde, blokada alynsa, Vashıngton men Gavana budan da asqan jetistikterge jetetinin bildirdi.
Onyń sózine qaraǵanda, qarym-qatynasty qalypqa keltirý maqsatynda Obama ákimshiligi qabyldaǵan sońǵy sharalar "mańyzdy, alaıda jetkiliksiz" ekenin bildirdi.
Kastro Obamaǵa eger ol esimderi jazylǵan tizimdi usynsa, tańerteńge deıin saıası tutqyndardy bosatatynyna sóz berdi.
Jýyrda Obama eki kúndik resmı saparymen Kýbaǵa bardy. Bul 88 jyl ishindegi AQSh basshysynyń Karıb memleketine alǵash ret kelýi.
