Obama 2012 jylǵy saılaýda jeńiske jetpeıtindigin ózi de moıyndady

Reseımen Strategııalyq shabýyldyq qarý-jaraq shartyn jasasqanyna jáne nómiri birinshi lańkes Ýsama Ben Ladenniń kózin qurtqanyna qaramastan, Barak Obamanyń aldaǵy saılaýdaǵy jeńisine amerıkalyqtardyń bar-joǵy 37%-y ǵana senetin kórinedi, dep jazady «Kommersant» gazeti.

Prezıdenttiń óz pikirine súıensek, álsiz senimniń basty sebebi, onyń komandasy ekonomıkalyq qıyndyqtarǵa tosqaýyl bola almady jáne ýáde etken reformalaryn júzege asyra almady.

Basylymnyń habarlaǵanyndaı, ABC telearnasy men Yahoo! portalyna bergen kúzgi saıası maýsymdaǵy tuńǵysh suhbatynda AQSh prezıdenti ekonomıkany turaqtandyrý máselesi jaıynda áńgimeleıdi dep kútilgen bolatyn. Alaıda Barak Obamanyń jýrnalıstermen áńgimesi aldaǵy 2012 jylǵy prezıdent saılaýy jaıynda órbidi. Suhbat onyń «bir kezeńdik prezıdent bolýǵa daıynsyz ba?» degen suraqqa jaýap berýimen qorytyndylandy.

«Qazir qalyptasqan ekonomıkalyq jaǵdaıda budan artyq nársege senim artý qıyn. Halyqtyń meni beıbaq dep sanaıtyndyǵyna asa alańdamaımyn. Men bul pikirge úırenip te kettim», - degen Aq úı basshysynyń sózderin mysalǵa keltiredi «Ъ» basylymy.