«Obektıv Kazahstan» rebrendıng ótkizip, aqparattyq-saraptamalyq portalǵa aınaldy
ASTANA. QazAqparat - «Obektıv Kazahstan» aqparattyq agenttigi rebrendıng ótkizip, aqparattyq-saraptamalyq portalǵa aınaldy, dep habarlaıdy obk.kz.
«Ataýy ózgerip qana qoıǵan joq, kásibı ózgeris jasaldy. Jańa komandanyń birinshi maqsaty - rebrendıng ótkizý, portaldyń jańa modelin daıyndaý. Ol oryndaldy. Endi jańa ınterfeıs, jańa mazmun, jańa jumys stılin qalyptastyrady. Bizdiń aldymyzda ekinshi, burynǵysynan kúrdelirek tapsyrma tur, ol - aqparattyq resýrs aýdıtorııasyn keńeıtý. Qıyn deıtinimiz, Qazaqstanda jelilik basylymdar naryǵy aıtarlyqtaı jaqsy damyǵan. Obektıv.kz-tiń jańa komandasy jańa kásibı maqsatty júzege asyrady - jýrnalıstıkanyń eski mektebin old school-dy jańa tehnologııalarmen biriktiredi. Sondaı-aq, portalda buǵan deıin aqparat agenttiginde bolmaǵan memlekettik til kontenti paıda boldy», - dep habarlaıdy aqparattyq-saraptamalyq portal.
Budan ózge, portal jýyrda vıdeo jáne aýdıo kontenttermen jumys istep, qazirgi zamanǵy kásibı betalysqa, oqyrmandardyń ıntellektýaldy jáne tehnologııalyq deńgeıine saı qyzmet kórsetpek.
