OAR úkimeti eldiń eks-prezıdenti N.Mandelanyń aýrýhanadan úıine oralǵandyǵy týraly aqparatty teriske shyǵardy
ASTANA. 31 tamyz. QazAqparat - Ońtústik Afrıka Respýblıkasynyń Úkimeti eldiń burynǵy prezıdenti Nelson Mandelanyń aýrýhanadan úıine oralǵandyǵy týraly BAQ-ta jarııalanǵan aqparattardy teriske shyǵardy. Bul týraly BI-BI-SI habarlady.
OAR bıliginiń málimdemesine qaraǵanda, 95 jastaǵy Mandela áli Pretorııadaǵy aýrýhanada jatyr. Ol osydan 2 aıdan astam ýaqyt buryn aýrýhanaǵa ókpedegi ınfektsııanyń kezekti márte ýshyǵý dıagnozymen túsken.
