OAR prezıdentin ǵalamtor arqyly satpaqshy bolǵan
ASTANA. QazAqparat - OAR prezıdenti Djeıkob Zýma Gumtree saıtynda satý-satyp alý sanatyndaǵy habarlandyrýlar arasynda lot retinde qoıylǵan, dep habarlaıdy sheteldik BAQ.
Onlaın-resýrsqa ornalastyrylǵan habarlandyrýdyń avtory ózin Average Joe degen nıkpen tirkegen. «Dereý basqa prezıdent kerek. Qazirgisi tym qymbatqa túsip otyr», - dep jazǵan Average Joe Zýmanyń sýretiniń janyna.
Mátinde sondaı-aq lot tek qana satý nemese aıyrbastaý úshin qoljetimdi ekendigi jazylǵan, dep habarlady Lenta.ru. "Satamyn nemese arzanyraq, aqyldyraq modeline almastyramyn", - dep ótken avtor. Oǵan qosa, kelip túsken kez kelgen usynysty qaraıtynyn málimdegen. Prezıdentti satý týraly habarlandyrý keıinnen alynyp tastaldy. Alaıda resýrsty paıdalanýshylar skrınshotty áleýmettik jelilerge taratyp úlgerdi. Zýma týraly habarlandyrý qansha ýaqyt turǵany aıtylmady, lotty alyp tastaǵan avtor ma, álde onlaın-resýrstyń ákimshiligi me, ol jaǵy belgisiz.
