OAR prezıdenti óz erkimen otstavkaǵa ketetinin málimdedi
ASTANA. QazAqparat - OAR prezıdenti Djeıkob Zýma memleket basshysy ókilettigin merziminen buryn aıaqtamaq, dep habarlaıdy «QazAqparat» HAA TASS-qa silteme jasap.
Ol mundaı málimdemeni sársenbi kúni keshkisin «Afrıka ulttyq kongresi» (AUK) basqarýshy partııasynyń «bulaı bolmaǵan jaǵdaıda beısenbide senim týraly másele boıynsha daýys berý kezinde oppozıtsııany qoldaıtynyn» habarlaýynan keıin jasady.
«Men respýblıka prezıdenti qyzmetinen otstavkaǵa ketý týraly sheshim qabyldadym. Uıym basshylyǵynyń sheshimine kelispeýime qaramastan, men AUK-nyń tártipti múshesi boldym», - dedi Zýma.
Sondaı-aq, ol senimsizdik votýmynan da, ımpıchmentten de qoryqpaıtynyn jáne bul protsedýralardyń óz kóshbasshylarynyń ókilettigin toqtatýda azamattardyń qoldanatyn zańdy tetigi ekendigin atap ótti.
