OAR Prezıdenti memlekettik bıýdjet qarajatyna ózine basseın men amfıteatr salyp alǵan
ASTANA. QazAqparat - Ońtústik Afrıka Respýblıkasynyń Prezıdenti Djeıkob Zýma óziniń rezıdentsııasynyń qaýipsizdigine bólingen memlekettiń 23 mln. dollar qarajatyn talan-tarajǵa salǵany belgili boldy, dep habarlady sheteldik BAQ.
Sońǵy málimetterge qaraǵanda, ol atalǵan qarjyny ózine tıesili ýchaske aýmaǵynda basseın, mal qora jáne amfıteatr salýǵa jumsaǵan. OAR-da óteten prezıdenttik saılaýdan 6 apta buryn jarııa etilip otyrǵan jemqorlyqqa qarsy baıandamada D.Zýmanyń jáne onyń apparat músheleriniń kóptegen zań buzýshylyqtary keńinen jarııa etilgen. Atalǵan qujatty daıyndaýshylardyń pikirinshe, halyqqa jarııa etilgen bul málimetter prezıdenttiń maqsatsyz paıdalanǵan qarajatynyń tym bolmaǵanda jartysyn memleket qazynasyna qaıtarýyna túrtki bolýy yqtımal.
