OAR quramasynyń fýtbolshysy álem chempıonatynan keıin qaıtys boldy
ASTANA. KAZINFORM — Ońtústik Afrıkanyń fýtbolshysy Djeıden Adams álem chempıonatynan oralǵannan keıin qaıtys bolǵany týraly habar tarady, dep jazady Euronews.
Ońtústik Afrıka quramasynyń bıylǵy álem chempıonatyna qatysqan jartylaı qorǵaýshysy Djeıden Adams senbi kúni 25 jasynda ómirden ótti.
Bıylǵy álem chempıonatynda Ońtústik Afrıka Respýblıkasy quramasynyń sapynda óner kórsetken 25 jastaǵy jartylaı qorǵaýshy Djeıden Adamstyń qazasynyń mán-jaıy ázirge belgisiz.
— Djeıden Adamstyń qaıtys bolǵany týraly habardy tereń kúızelispen qabyldadym. Ońtústik Afrıka fýtboly óziniń eń jarqyn jas talanttarynyń birinen aıyryldy, — dedi OAR-dyń Sport mınıstri Geıton Makkenzı taratqan málimdemesinde.
Alaıda ólimniń sebebi aıtylmady.
Polıtsııa senbi kúni tańerteń Keıptaýn qalasynyń mańyndaǵy úılerdiń birinen 25 jastaǵy er adamnyń máıiti tabylǵannan keıin tergeý bastaǵanyn habarlady.
Polıtsııa ókili AFP agenttigine oqıǵanyń barlyq mán-jaıy anyqtalyp jatqanyn málimdedi.
Adams álem chempıonatynyń toptyq kezeńinde Ońtústik Afrıka quramasynyń barlyq úsh matchyna qatysyp, komanda tarıhynda alǵash ret 1/16 fınalǵa shyǵýyna úles qosty. Alaıda Kanada quramasynan jeńilgen pleı-off matchynda alańǵa shyqqan joq.
Sondaı-aq ol 2024 jyly Kot-d’Ivýarda ótken Afrıka ulttary kýbogynda qola júldeger atanǵan OAR quramasynyń múshesi bolǵan.
Buǵan deıin fýtboldan 2026 jylǵy álem chempıonatynyń alǵashqy oıynynda
Meksıka Ońtústik Afrıkany jeńgenin jazǵan bolatynbyz.
