OAR Eboladan qaýiptenip, 2015 jylǵy Afrıka ulttary kýbogin ótkizýden bas tartty

«Afrıka ulttarynyń kýbogi bizdiń elde ótkizilmeıdi», - dep málimdedi OAR sport mınıstri Fıkıl Mbalýla.

Sport básekesin aýystyrý týraly másele Marokko bıligi Afrıka fýtboly konfederatsııasynan týrnırdi vırýstyń taraý qaýpine baılanysty keıingi qaldyrýdy suraǵannan keıin kóterildi. AFK buǵan deıin Kýboktiń eshqashan aýystyrylmaǵanyn aıtyp, Marokkonyń ornyna basqa el izdeı bastady. Negizinen suranys OAR men Gana Respýblıkasyna joldandy.

«Bizdiń bıýdjettiń 2015 jylǵy chempıonatty ótkizýge áleýeti jetpeıdi. Bul múmkin emes», - dedi Mbalýla.

Sonymen birge, mınıstr bylaı dep qosty: «Aldymyzda Ebolamen kúresý mindeti tur. Bizde oǵan qarsy ımmýnıtet joq».

Afrıka ulttarynyń fınaldyq bóligi 2015 jyldyń 17 qańtary men 8 aqpany aralyǵynda ótýi tıis edi.