OAR-dyń burynǵy prezıdenti Nelson Mandela ómirden ozdy
ASTANA. 6 jeltoqsan. QazAqparat - Ońtústik Afrıka Respýblıkasynyń burynǵy prezıdenti Nelson Mandela ómirden ótti, dep habarlady memlekettiń qazirgi basshysy Djeıkob Zýma.
«Bizdiń halqymyz óziniń súıikti ulynan aıyryldy», - dedi Dj. Zýma.
Iohansbýrgte qaıǵyly habardy estýge bári daıyn boldy. Osyǵan deıin BAQ N.Mandelanyń aýyr naýqastanyp jatqanyn habarlaǵan bolatyn - onyń úıiniń janynda jedel járdem kólikteri men kóp adam jınalyp qalǵan.
95 jastaǵy N.Mandela 2013 jyldyń maýsymynan beri densaýlyǵy nasharlap, aýyr halde jatty, dep habarlady CNN.
N.Mandela - OAR birinshi qara násildi prezıdenti (1994-1999jj.), adam quqyǵy úshin janyn sala jumys istegen, aty ańyzǵa aınalǵan tanymal kúreskerlerdiń biri. Ol ómiriniń 27 jylyn túrmede ótkizgen. 1993 jylǵy Nobel syılyǵynyń laýreaty.
