OAR Dostastyq oıyndaryn ótkizý quqyǵynan aıyryldy
ASTANA. QazAqparat - Ońtústikafrıkalyq Dýrban 2022 jyly Dostastyq oıyndaryn ótkizbeıdi, dep habarlady Sınhýa Dostastyq oıyndary Federatsııasyna silteme jasap.
2016 jyldyń ortasynda Kanada týrnır ótkizý orny jarysynan óz kandıdatýrasyn qaıtaryp alǵan soń, oıyndardy ótkizý quqyǵyn OAR jeńip alǵan edi. Erejege sáıkes, oıyndardy ótkizý quqyǵyn ıelengen soń, 180 kún ishinde OAR jergilikti uıymdastyrý komıtetin qura almady jáne Federatsııaǵa bastapqy jarnany tólemedi.
Dostastyq oıyndary Federatsııasynyń prezıdenti Lýıza Martın federatsııanyń balamaly nusqalardy qarastyratynyn, oıyndardy ótkizetin jańa oryn izdeıtinin málimdedi.
"Federatsııa Ońtústikafrıkalyq sport konfederatsııasymen, Olımpıada komıtetimen jáne Ońtústik Afrıka Respýblıkasymen ashyq dıalog ornatýǵa tyrysady. Sondaı-aq, federatsııa Dostastyq oıyndaryn Afrıka qurlyǵynda ótkizýge kúsh salýǵa áli de nıetti», - dedi L.Martın.
