OAR-dyń Qazaqstandaǵy elshisi senim gramotalarynyń kóshirmelerin tapsyrdy
ASTANA. KAZINFORM — Qazaqstan SІM-de Ońtústik Afrıka Respýblıkasynyń Elshisi senim gramotalarynyń kóshirmelerin tabystady, dep habarlaıdy QR SІM baspasóz qyzmeti.
Qazaqstan Respýblıkasy Syrtqy ister mınıstriniń orynbasary Álibek Qýantyrov Ońtústik Afrıka Respýblıkasynyń Qazaqstandaǵy jańadan taǵaıyndalǵan Elshisi Lýngısanı Ntombelamen kezdesti.
Kezdesý aıasynda L.Ntombela senim gramotalarynyń kóshirmelerin tabys etti. Óz kezeginde Á.Qýantyrov Elshini jańa qyzmetimen quttyqtap, onyń dıplomatııalyq mıssııasy Qazaqstan men Ońtústik Afrıka Respýblıkasy arasyndaǵy dástúrli dostyq qatynastar men ózara tıimdi yntymaqtastyqty odan ári damytýǵa septigin tıgizetinine senim bildirdi.
— Taraptar saıası dıalogty odan ári damytý, saýda-ekonomıkalyq seriktestikti jáne mádenı-gýmanıtarlyq yntymaqtastyqty keńeıtý máselelerin talqylady. Suhbat aıaǵynda taraptar ekijaqty jáne kópjaqty formatta belsendi ózara is-qımyldy qoldaýǵa kelisti, — delingen habarlamada.
Osydan buryn Koreıanyń Qazaqstandaǵy jańa elshisi senim gramotalarynyń kóshirmelerin tapsyrǵanyn jazǵanbyz.
