OAR-daǵy rýdnıkte 200 kenshi iz-túzsiz joǵalyp ketti
ASTANA. QazAqparat - Altyn óndiretin Kusasalethu kenishinde jer astynda eki shaqyrymnan astam tereńdikte shyqqan órtten keıin eki júzge jýyq jumysshy iz-túzsiz joǵalyp ketti, dep habarlaıdy Bı-bı-sı.
Rýdnıktiń ıesi Harmoný Gold kompanııasynyń habarlaýynsha, shahtadaǵy jalyn tili aýyzdyqtalǵan, órt kezinde jer astyndaǵy qaýipsiz orynǵa jasyrynyp úlgergen 280 jumysshy joǵaryǵa shyǵaryldy. Degenmen qutqarýshylar tap sol shaqta jer astynda kezekti aýysymda jumys istep jatqan taǵy 199 adamdy tabýǵa árekettenip jatyr.
Aldyn ala boljam boıynsha, jóndeý jumystary júrip jatqan kezde jalyn lap ete qalǵan.
