OAR-daǵy órt toǵyz adamnyń ómirin jalmady
PRETORIıA. QazAqparat – Sársenbi kúni OAR-dyń iri qalasy Iohannesbýrgtyń ortalyq bóliginde bolǵan órtten toǵyz adam qaza tapty. Olardyń arasynda sábı de bar, dep habarlaıdy QazAqparat SABC teleradıokompanııasyna silteme jasap.
«Jumyssyzdar turǵan qaraýsyz qalǵan eki qabatty úı tańerteń otqa orandy. Órt kezinde ǵımaratta 100-den astam otbasy bolǵan. Adamdar qashyp shyǵý úshin terezelerden sekirgen. Órt saldarynan toǵyz adam kóz jumdy», - dep málim etti megapolıstiń shuǵyl qyzmetiniń ókili Nana Radebe.
Iohannesbýrgte qazir qylmys deńgeıi joǵary. Kóptegen kompanııa keńselerin qala mańyna kóshirdi.
