OAR-daǵy qurǵaqshylyq: Keıptaýn aýyz sýsyz qalýy múmkin
ASTANA. QazAqparat - Ońtústik Afrıka Respýblıkasynda sońǵy 100 jyldyń ishindegi asa kúshti qurǵaqshylyq boldy. Keıptaýn turǵyndary taıaý ýaqytta aýyz sýsyz qalýy yqtımal, dep habarlaıdy Euronews.
OAR-dyń ońtústik batysynda sońǵy júz jyldyqta bolmaǵan qurǵaqshylyqtyń beti qaıtar emes. Ǵalymdar osyndaı keleńsiz jaǵdaıdyń bolaryn burynnan eskertip kelgen. Biraq onyń aldyn alý úshin qoldanylǵan sharalar jetkiliksiz boldy. Keıptaýndaǵy sý qoımasynyń deńgeıi eń tómengi mólsherge jetti. Al sáýirdiń ortasyna qaraı qala turǵyndary sýsyz qalýy múmkin.
«Keıptaýn bıligi jurtshylyqty sýdy únemdeýge úndeýde»,-deıdi klımatolog Saımon Djır. - Olar turǵyndardy kúnine 50 lıtrden artyq sý paıdalanbaýǵa shaqyrdy. Halyqtyń sýǵa degen kózqarasyn ózgertý úshin tarıfti de joǵarylatty».
Keleńsiz jaǵdaıǵa alańdaǵan qala turǵyndary bolsa, jantalasyp qolda bar ydystaryn sýǵa toltyryp jatyr.
