OAR-daǵy iri jol apaty: 4 adam ólip, 40-tan astamy jaraqattandy

ASTANA. QazAqparat - Ońtústik Afrıka Respýblıkasynyń Azat Memleket provıntsııasynda jolaýshy poıyzy men júk kóligi soqtyǵysyp, kem degende 4 adam qaza tapty, taǵy 40 shaqty adam jaraqattandy, dep habarlaıdy jergilikti eNCA telearnasy.

Júk kóliginiń júrgizýshisi der kezinde tejeı almaı, Port-Elızabet qalasynan Iohannesbýrgke qaraı bara jatqan jolaýshy poıyzynyń birinshi jáne ekinshi vagondaryn baryp soqqan. Týıtterde taraǵan vıdeoǵa qaraǵanda, apat saldarynan poıyzdyń birneshe vagony relsten shyǵyp ketip, órtengen.

Qutqarýshylar oqıǵa ornynda jumys júrgizip jatyr. Keıbir derekterge qaraǵanda, zardap shekkenderdiń sany júzge jetýi múmkin.

Shosholoza train derailed outside Kroonstad.@maroelamedia @afriforum @IanCameron23 @HantiO @crimeairnetwork pic.twitter.com/hsq4uuQuWC

— Marius Müller (@Marius4060) 4 ıanvarıa 2018 g.