OAR-da shyǵarylǵan almas bássaýdada 22 mln. dollarǵa satyldy
ASTANA. QazAqparat - Ońtústik Afrıka Respýblıkasynda shyǵarylǵan, esh aqaýy joq 100 karattyq almas Nıý-Iork qalasyndaǵy Sotheby's bássaýdasynda úsh mınýttyq saýdadan keıin 22 mln. dollarǵa satylyp ketti.
Baǵaly tasty satyp alǵan adam esiminiń jarııalanbaýyn qalady, dep jazady Bı-bı-sı.
De Beers kompanııasy shyǵarǵan almas buǵan deıin bássaýdaǵa túsken kólemi jáne sapasy osyndaı bes tastyń biri boldy.
Sotheby's zergerlik bóliminiń sarapshysy atap ótkendeı, asyl tas muzdy sý quıylǵan ydys sııaqty móldir.
Saýdadaǵy rekord 2013 jyly 83 mln. dollarǵa satylǵan «Alqyzyl juldyz» atty biregeı alqyzyl gaýhar tastyń enshisinde.
