OAR-da shahtadan 20-dan astam adamnyń máıiti tabyldy
IOHANNESBÝRG. SINЬHÝA-QazAqparat – Iohannesbýrg mýnıtsıpalıtetindegi Krıýgesdorp qalasyndaǵy qoldanystaǵy birneshe shahtadan aldyn ala boljam boıynsha zańsyz jumys istep júrgen 21 kenshiniń máıiti tabyldy.
Bul týraly búgin polıtsııa málim etti, dep habarlaıdy QazAqparat Qytaıdyń Sınhýa agenttigine silteme jasap.
«Qaza bolǵan kenshiler sany 21-ge jetti. Olar zańsyz jumys istep júrgen bolýy múmkin. Polıtsııanyń izdestirý-qutqarý toby taǵy eki máıitti tapty. Olar beısenbi kúni tańerteń, basqa máıitter tabylǵan jerdiń janyndaǵy ashyq shahta uńǵysynan shyǵaryldy», - dedi polıtsııanyń resmı ókili Brenda Mýrıdılı.
Bir kún buryn polıtsııa Krıýgersdorptaǵy jumys istep turǵan birneshe shahtada 19 adam qaza tapqany týraly habarlaǵan bolatyn.
Polıtseıler oqıǵanyń mán-jaıyn anyqtap, tergeý amaldaryn júrgizýde.
Foto: shutterstock.com
