OAR-da segiz jasar bala 61 jastaǵy áıelge úılendi
ASTANA. 11 naýryz. QazAqparat - Ońtústik Afrıka Respýblıkasynda segiz jastaǵy Sanele Masılela esimdi bala ózinen 7 ese úlken áıelge úılengen álemdegi eń jas kúıeý jigit bolyp shyqty, dep habarlady Life News Online saıty.
Bala men 61 jastaǵy bes balanyń anasy Helen Shabangýmnyń nekelesý toıy Tsvane kommýnasynda 100 qonaqtyń qatysýymen ótti.
Sanele barlyq rásimdi óz erkimen oryndady. Onyń aıtýynsha, oǵan túsinde baıaǵyda qaıtys bolǵan atasy aıan bergen. Jas kúıeýdiń otbasy ulynyń bul qadamyn shyndap qabyldap, eki aı ishinde toıǵa ázirlik jasap úlgirdi.
- Mundaı jaǵdaı birinshi ret bolyp otyr, bizdiń ata-baba rýhyna bas ımeýge lajymyz joq, - dedi balanyń anasy Peıshns Masılele. - Oǵan Sanele esimi atasynyń qurmetine qoıylǵan.
Helen men Sanele saqına almasyp, bir-birine adal bolýǵa ant berdi. Degenmen eki otbasy da jergilikti turǵyndardyń synyna ushyrady, olar kúıeý men qalyńdyqtyń jas alshaqtyǵyna tańdanys bildirýde.
Degenmen, nekege turý rásimdik sıpatta bolmaq. Merekeden soń bala men onyń eresek áıeli úıdi-úıine tarasty. Jas jubaılar ázirge birge turýdy josparlap otyrǵan joq.
