OAR-da bolǵan apattan 20 bala qurban boldy
ASTANA. QazAqparat - Ońtústik Afrıka Respýblıkasy astanasynyń soltústigindegi Pretorııa qalasynda shaǵyn avtobýs pen júk kóliginiń soqtyǵysýynan 20 bala mert boldy, dep habarlaıdy Bı-bı-sı qyzmeti jergilikti jedel qyzmet ókliderine silteme jasap.
Shaǵyn avtobýstyń soqtyǵysqannan keıin bir jaǵyna qulap, janyp ketkeni aıtylady. Kólikte bastaýysh jáne orta mektep oqýshylary otyrǵan. Áleýmettik jelilerde jarııalanǵan fotolarda kóliktiń tolyqtaı janyp ketkeni anyq kórinedi.
Jol-kólik apaty Bronkhorstspreıt men Veren qalalarynyń arasyndaǵy trassa boıynda, Pretorııadan 60 km jerde bolǵan. Apat bolǵan aımaqqa jetken medıkter janyp ketken kóliktiń ishinen 13 balanyń máıitin tapty. Balalardyń taǵy 7 denesi jol boıynan tabylǵan.
«Bul qaıǵyly jańalyq bizdiń janymyzǵa batyp otyr»,-delingen Gaýteng provıntsııasynyń bilim berý departamentiniń habarlamasynda.
Ázirge jol apatynyń sebep-saldary aıtylmaı otyr.
