OAR-da avtobýs apatqa ushyrap, 28 adam qaza tapty
PRETORIıA. QazAqparat - Dúısenbide Ońtústik Afrıka Respýbrıkasynyń ońtústiginde avtobýs apatqa ushyrap, kem degende 28 adam mert boldy, dep habarlaıdy QazAqparat Independent Online jergilikti jańalyqtar portalyna silteme jasap.
Shyǵys Keıp polıtsııa basqarmasynyń ókili Ýnatı Bınkoseniń aıtýynsha, avtobýs Ist-London men Battervort qalalary arasyndaǵy tas jol boıymen júrip kele jatqan kezde júrgizýshi kópir aldyndaǵy burylysta rýlge ıe bola almaı qalǵan. Apat saldarynan júrgizýshini qosqanda 28 adam qaza tapty. Alty adam zardap shekken. Sondaı-aq 20 -ǵa jýyq jolaýshy jeńil jaraqattanǵan, olardyń ómirine qaýip tónip turǵan joq.
Apat ornynda qutqarýshylar men polıtsııa jumys jasaýda. Joldyń bul bóligi OAR-daǵy eń qaýiptileriniń biri. Óıtkeni onyń bıiktigi 420 metr jáne kóptegen tik burylystary bar. Bul jerde oqys oqıǵalar jıi kezdesedi.
