OAR-da 199 shahter habar-osharsyz ketti
ASTANA. QazAqparat - OAR-da altyn óndiretin shahtadan órt shyǵyp, 199 adam habar-osharsyz ketti. Bul týraly Reuters habarlady.
Oqıǵa Iohannesbýrgten 75 shaqyrymda ornalasqan Harmony Gold kompanııasynyń shahtasynda tehnıkalyq jumys júrgizý barysynda oryn aldy. Jalyn 2,3 myń metr tereńdikte tutanǵan.
Órt shyqqan sátte shahtada 468 jumysshy bolǵan, 287 adamdy qutqaryp úlgerdi, qazir olardyń 280-i jer betine shyǵaryldy, dep habarlady Harmony Gold baspasóz qyzmetinen. Qalǵan shahterlerdiń taǵdyry ázirge belgisiz.
Bul shahtada mundaı jaǵdaı birinshi ret oryn alyp turǵan joq. 2014 jylǵy aqpanda zaboıda shyqqan órtten segiz kenshi kóz jumǵan bolatyn.
