OAR bıligi Mandela músinindegi óreskel olqylyqty joıýdy talap etti
ASTANA. 24 qańtar. QazAqparat - OAR bıligi Nelson Mandela eskertkishiniń avtorlarynan músindegi olqylyqtardy joıyp, keltirgen moraldik shyǵyn úshin keshirim suraýyn talap etip otyr.
El basshylyǵynyń bulaı shúıligýine músinshilerdiń eskertkishtegi Mandelanyń qulaǵyna qoladan quıylǵan qoıandy tyǵyp qoıýy sebep bolǵan.
Músin avtorlary Andre Prınsloo pen Rıýhan ıAnse van Vıýıýren bıliktiń ózi músindi tapsyrý merzimin qysqartyp, asyqtyrǵan soń narazylyqtaryn osylaısha bildirmek bolǵandaryn aıtty. Sondaı-aq músinniń aıaǵyna mınıstrlik avtorlardyń aty-jónin jazýǵa tyıym salǵan soń, sáýlet týyndysynyń asyǵys jasalǵanyn bildirý úshin ádeıi istegenderin de moıyndady.
Bıiktigi 9 metrlik eskertkish 16 jeltoqsan, Mandelanyń jerleý rásiminen bir kún ótken soń Pretorııadaǵy úkimettik keshenniń alańyna ornatylǵan-dy. Eskertkishtiń avtorlary óz «óreskeldigi» úshin halyqtan jáne qara násildi kóshbasshynyń artynda qalǵan týǵan-týystarynan keshirim surady, dep habarlady VVS.
