O.Súleımenovtiń poezııasyndaǵy tarıh pen taǵylym máseleleri talqylandy (FOTO)
ASTANA. QazAqparat - Búgin QR Ulttyq mýzeıinde Qazaqstannyń Eńbek eri Oljas Súleımenovtiń 80 jyldyq mereıtoıyna arnalǵan «Oljas Súleımenovtiń poezııasyndaǵy tarıh jáne taǵylym» atty ǵylymı konferentsııa ótti.
Ǵylymı konferentsııany asha otyryp, Ulttyq mýzeıdiń dırektory Darhan Myńbaı «baıandamalardyń ornyna jınalǵan qaýym men Oljas Súleımenovtiń ózin tyńdasaq, áldeqaıda utymdy bolady» dep, áńgimesin myna bir ańyzben bastady.
«Bizdiń ortamyzda qazaqtyń belgili tulǵasy, Qazaqstanny Eńbek eri Oljas Omaruly Súleımenov otyr. Máshhúr-Júsip Kópeev arqyly jetken ańyzdardyń birinde aıtylǵandaı, Abylaıdyń serikteriniń biri Oljabaı batyr soǵysta qatty jaralanyp, aqtyq sátinde: «meniń jetinshi urpaǵym úlken aqyn, ǵalym bolady» degen eken . Batyrdyń altynshy urpaǵy Omar Súleımenov osy sózdi jadynda ustap balalarynyń birine Oljar, ekinshisine Oljas dep at qoıady. Mine, búgin sol batyrdyń jetinshi urpaǵy - Oljas Súleımenov ortamyzda otyr», - dedi D.Myńbaı.
Ǵylymı konferentsııa aıasynda O.Súleımenovtiń shyǵarmashylyǵy men ómiri týraly syr shertetin foto jáne kitap kórmeleri ótti. Sondaı-aq, Ulttyq mýzeı O.Súleımenovtiń 80 jyldyǵyna oraı, jazýshynyń qoly qoıylǵan úlken portretti mýzeıdiń qoryna qosty.
