O.Súleımenovtiń kitaby ıtalıan tilinde jaryq kórdi

ASTANA. QazAqparat - Qazaqtyń kórnekti jazýshysy Oljas Súleımenovtiń 17 jyl buryn jaryq kórgen «Jazba tili» atty kitaby ıtalıan tiline aýdaryldy. Ǵylymı týyndysyn el astanasy Rımde ótken jazýshylar men baspagerlerdiń dástúrli jármeńkesinde oqyrmandaryna avtordyń ózi tanystyrdy, dep jazady 24.kz.

Al kitaptyń ıdeıasy Oljas Súleımenov Qazaqstannyń Italııadaǵy elshisi bolyp taǵaıyndalǵan kezde, sonaý 90-jyldary týyndaǵan eken. Jas dıplomat ejelde osy túbekti meken etken halyqtyń tarıhyna úlken qyzyǵýshylyq tanytyp, uzaq izdenis jasapty. Keıin osy kitap arqyly jazýshy dúnıege sóz birinshi keldi me, álde belgiler me degen suraqqa jaýap beredi.

«Men til bilimderimen buryn da aınalysqanmyn. Ejelgi etrýsktardyń qupııasy ashylmaǵan jazýlaryn kórip, qatty qyzyǵyp kettim. Zertteýge biraz ýaqyt jumsadym. Osylaısha, etrýsktar týraly, ıaǵnı sózderdiń jazýmen baılanysty tarıhy baıandalǵan kitap dúnıege keldi», - deıdi Oljas Súleımenov.