O. Súleımenov tulǵasynyń úlgisi arqyly jastardy tárbıeleý modeli tájirıbesi nasıhattalmaq
ASTANA. 17 mamyr. QazAqparat - Erteń Almatyda QazUAÝ «O. Súleımenov tulǵasynyń úlgisi arqyly jastardy tárbıeleý modeli» atty stýdenttik uıymdardyń respýblıkalyq jastar forýmyn ótkizedi.
QR Bilim jáne ǵylym mınıstrliginiń málimetinshe, forýmnyń aldyna qoıyp otyrǵan basty maqsaty - belsendi stýdent jastardy biriktirý, olardyń ózekti problemalaryn talqylaý, basqa joǵary oqý oryndarynyń jastar uıymdarymen birigip jumys isteý jolynda tyń ıdeıalar men bastamalardy kóterý bolyp tabylady. O.Súleımenovtyń tulǵasy arqyly Qazaq ulttyq agrarlyq ýnıversıtetiniń stýdentterdi tárbıeleý modeliniń tájirıbesin nasıhattaý. Bul baǵytta ilgeri basqan ıgilikti isterdi jınalǵandardyń nazaryna usyný. Atalǵan forým Almaty qalasy ákimdiginiń qoldaýymen ótkeli otyr.
Forým jumysyna QR Bilim jáne ǵylym mınıstrligi, Almaty qalasy ákimdigi, Medeý aýdany ákimdiginiń ókilderi, respýblıkadaǵy joǵary oqý oryndarynyń tárbıe isi jónindegi prorektorlary, jastar saıasaty komıtetteriniń tóraǵalary men stýdenttik belsendi jastar ókilderi qatynasatyn bolady.
Forým jumysy barysynda QazUAÝ stýdenttik ortalyqtarynyń tusaýkeseri, QazUAÝ ǵalym jastary Alıansyny tusaýkeseri, O.Súleımenov shyǵarmashylyǵy boıynsha ádebı-sazdy kompozıtsııa, debat, sheberlik - synyby, jastar aleıasyn otyrǵyzý jáne basqa da sharalar uıymdastyrylady.
