O.Súleımenov «Kúltegin» medalimen marapattaldy (FOTO)
ASTANA. QazAqparat - Búgin L.Gýmılev atyndaǵy Eýrazııa ulttyq ýnıversıtetinde memleket jáne qoǵam qaıratkeri, aqyn Oljas Súleımenovtiń 80 jasqa tolýyna oraı «Álem adamy» atty forým ótip jatyr.
Shara barysynda EUÝ prorektory Dıhan Qamzabek aqyndy «Kúltegin» ordenimen marapattady.
«Bul forým bizde ótip jatqannan keıin ýnıversıtet tarapynan da bir qurmet bolýy kerek dep sheshtik. Sonymen ǵylymı keńestiń uıǵarymymen, rektorymyz Erlan Sydyqovtyń usynysymen Oljas Súleımenovti ýnıversıtetimizdiń úlken belgisi «Kúltegin» medalimen marapattamaqpyz», - dedi ol.
Forýmǵa QR Syrtqy ister mınıstrliginiń, QR-dyń ıÝNESKO jáne ISESKO jónindegi ulttyq komıssııalarynyń, Qazaqstan Jazýshylar odaǵynyń, Ázerbaıjan men Grýzııa Elshiliginiń ókilderi qatysýda.
