Ó.Shókeev turǵyn úı qurylysyn, TKSh-ny qaıta jańǵyrtý jáne sýmen qamtamasyz etý salalaryndaǵy salalyq baǵdarlamalardy júzege asyrý máseleleri boıynsha keńes ótkizdi
ANA. 2 tamyz. QazAqparat - Búgin Birinshi vıtse-premer Ómirzaq Shókeev oblys, Astana jáne Almaty ákimdikteri basshylarynyń qatysýymen turǵyn úı qurylysyn, turǵyn úı-kommýnaldyq sharýashylyqty qaıta jańǵyrtý
jáne sýmen qamtamasyz etý salalaryndaǵy salalyq baǵdarlamalardy júzege asyrý máseleleri boıynsha selektorlyq keńes ótkizdi, dep habarlaıdy QR Qurylys jáne turǵyn úı -kommýnaldyq sharýashylyq isteri agenttiginiń baspasóz qyzmeti.
QR Qurylys jáne turǵyn úı -kommýnaldyq sharýashylyq isteri agenttigi tóraǵasynyń orynbasary Nıkolaı Tıhonıýk 2011-2014 jyldarǵa arnalǵan Turǵyn úı qurylysy baǵdarlamasyn aǵymdaǵy jyldyń alty aıynda júzege asyrý qorytyndysy týraly aqparat berdi.
Keńes barysynda oblys ákimdikteriniń basshylary jóndeý jumystaryn kelesi aptadan bastaı berýge daıyn ekendigi týraly esep berdi.
Sondaı-aq «Aq bulaq» baǵdarlamasynyń aralyq qorytyndylary týraly Aýyl sharýashylyǵy vıtse-mınıstri Marat Tolybaev baıandama jasady.
Keńes qorytyndysy boıynsha Ó.Shókeev ýákiletti organdarǵa birqatar tapsyrmalar berdi.
