Ó. Shókeev pen T. Qulybaevqa Taraz ben Atyraýdaǵy arnaıy ekonomıkalyq aımaqtar Dırektorlar keńesin basqarý usynyldy
ASTANA. 4 maýsym. QazAqparat - QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev Qazaqstandaǵy arnaıy ekonomıkalyq aımaqtardy damytý úshin olardyń janynan Dırektorlar keńesin qurýdy usyndy.
«Jańa zańǵa sáıkes Dırektorlar keńesin qurý qajet. Oǵan jetekshi mınıstrlikterdiń vıtse-mınıstrleri kiredi. Jáne Ulttyq ári jeke kompanııalardyń memlekettik-jeke seriktestik negizinde basqarý ıadrosyn qalyptastyrý qajet. Memlekettik-jeke seriktestik negizinde bul klasterlerdi damytýǵa basshylyq jasaýǵa jeke jaýapkershilikti bekitýdi usynamyz»,-dedi Á. Isekeshev búgin Úkimet otyrysynda.
Ol «Samuryq Qazyna» Ulttyq ál-aýqat qory» AQ basqarmasynyń tóraǵasy Ómirzaq Shókeevke Tarazdaǵy hımııalyq parkti, al «Qazenerjı» qaýymdastyǵynyń basshysy Tımýr Qulybaevty Atyraýdaǵy Ulttyq ındýstrııalyq arnaıy ekonomıkalyq aımaqty basqarýdy usyndy.
«Pavlodardaǵy arnaıy ekonomıkalyq aımaq boıynsha da aıqyndaý qajet. Arnaıy ekonomıkalyq aımaq ınfraqurylymdaryn memleket tarapynan qarjylandyrý máselesin der ýaqytynda tolyq sheshý kerek. Óıtkeni bul zaýyttar qazir salynyp jatyr»,-dedi ol.
