Ó.Shókeev: Elbasynyń 2020 jylǵa deıin «Samuryq-Qazyna» aktıvterin eki esege ulǵaıtý tapsyrmasy oryndalady

ASTANA. QazAqparat - Elbasynyń 2020 jylǵa deıin «Samuryq-Qazyna» aktıvterin eki esege ulǵaıtý tapsyrmasy oryndalady. Bul týraly KTK telearnasynyń «Halyq qyzmetshisi» baǵdarlamasyna suhbat bergen «Samuryq-Qazyna» UÁQ» basqarmasynyń tóraǵasy Ómirzaq Shókeev málim etti.

«Prezıdent 2020 jylǵa deıin qor aktıvterin eki esege ulǵaıtý tapsyrmasyn júktedi. Óte kúrdeli tapsyrma. Biraq, oryndaýǵa bolady. Biz naqty bastamalardyń arqasynda sońǵy úsh jyldyń ishinde kompanııanyń qunyn 26 paıyzǵa kótere aldyq.

Demek, menińshe, osyndaı júıeli jumystardyń nátıjesinde 2020 jylǵa deıin eki ese ulǵaıtýǵa qol jetkize alamyz», - dedi Ó.Shókeev.

Sonymen qatar, ol Elbasynyń qor aldyna eńbek ónimdiligin 30-40 paıyzǵa kóterý mindetin de júktegenin atap ótti. «Bul da júzege asyrýǵa bolatyn tapsyrma dep bilemin», - dedi ol.