Ó.Shókeev BQO-nyń tasqyn sýdan zardap shekken Tasqala, Zelenov aýdandarynda boldy

Qazirgi kezde qos aýdanda tasqyn sýdan zardap shekken otbasylarǵa arnalǵan jańa úıler salynýda. Aıtalyq, Tasqala aýdanynda barlyǵy 441 úı búlinse, sonyń 72-si jańadan salynady. Atap aıtqanda, 72 páterlik 41 úı qurylysyna 336,7 mln. teńge jumsalmaqshy. Buǵan qosa 181,7 mln. teńgege ınjenerlik jeli men abattandyrý jumystary júrgiziledi. Aýdan ortalyǵy Tasqalada «Bolashaq» dep atalǵan jańa shaǵynaýdan boı túzemek.

Zelenov aýdanynda 106 otbasy jańa baspanaǵa qol jetkizetin bolady. 106 páterlik 56 úı 488,3 mln. teńgege salynbaqshy. Úılerdiń deni aýdan ortalyǵy Peremetnyı kentinde irge kótermekshi. Sondaı-aq Zelenyı aýylynda úsh eki páterlik úı salynbaq. Al aýdanda ınjenerlik jeli men abattandyrýǵa 274,9 mln. teńge jumsalmaq.

Ómirzaq Shókeev oblys ákimi Baqtyqoja Іzmuhambetov, QR Tótenshe jaǵdaılar mınıstri Vladımır Bojkomen birge turǵyn úıler qurylysy barysymen tanysyp, oǵan oń baǵasyn berdi. Premer-Mınıstrdiń birinshi orynbasarymen tildesken qurylysqa óz úlesterin qosyp júrgen turǵyndar qıyn shaqta qamqorlyq kórsetken Elbasyna, Úkimetke, oblys basshylyǵyna rızashylyqtaryn bildirdi.