Ó. Shókeev: Aýyl sharýashylyǵy taýarlaryn óndirýshilerge janarmaıdyń jetkizilýine ákimder jaýapty
STANA. Naýryzdyń 29-y. QazAqparat /Rýslan Ǵabbasov/ - Búgin Úkimette ótken selektorlyq keńeste Premer-Mınıstrdiń birinshi orynbasary Ómirzaq Shókeev kóktemgi egis naýqanynda aýyl sharýashylyǵy taýarlaryn óndirýshilerge janarmaıdyń jetkizilýine ákimder jaýapty ekenin aıtty,
dep habarlaıdy QazAqparat.
Ó. Shókeev aýyl sharýashylyǵy taýarlaryn óndirýshiler úshin bıyl dızel otyny jáne AI-80 benzıni naryqtyq baǵadan tómen deńgeıde jetkiziletinin aıtty.
Ó. Shókeev osy turǵyda kúrdeli máselelerdiń biri retinde, ıaǵnı munaıshylardyń paıymdaýynsha, Úkimet belgilegen baǵadan aýyl sharýashylyǵy taýarlaryn óndirýshiler janarmaıdy áldeqaıda joǵary baǵamen alýy múmkin.
Sondyqtan Úkimet basshysynyń birinshi orynbasary ákimderge jergilikti jerlerdegi ókiletti kompanııalardy qadaǵalap, sharýashylyqtarǵa baǵa tıisti degeıde jetkizilýi máselesin baqylaý kerektigin qadap aıtty.
«Osy máselege ákimder tikeleı jaýapkershilikpen qaraýy tıis. Jalpy, biz baǵany belgilegennen keıin, sondaı-aq oblystar boıynsha kvotalardy aıqyndaǵannan soń, endi jergilikti jerler men sharýashylyqtarǵa janarmaıdy jetkizý ákimderdiń jaýaptylyǵyna kiredi», - dep atap ótti Ó. Shókeev.
