O. Shıshıgına Májilistiń ekologııa komıtetine saılandy
ASTANA. 30 qańtar. QazAqparat - Májilis depýtaty Olga Shıshıgına palatanyń Ekologııa máseleleri jáne tabıǵatty paıdalaný komıtetiniń quramyna saılandy.
Búgin Parlament Májilisiniń jalpy otyrysynda osyndaı sheshim qabyldandy.
Eske salsaq, ótken aptada Ortalyq saılaý komıssııasynyń qaýlysyna sáıkes, «Nur Otan» HDP múshesi Olga Shıshıgına Parlament Májilisiniń depýtaty bolyp tirkelgen bolatyn.
Shıshıgına Olga Vasılevna 1968 jyly Almaty qalasynda týǵan. Qazaqstandyq jeńil atlet, sprıntershi, Sıdneı olımpıadasynyń chempıony (2000), Qazaqstannyń eńbek sińirgen sport sheberi.
Jeńil atletıkamen (Kedergilerden 100 metrlik sprınterli orǵý) 1978 jyly shuǵyldana bastady. 1985 jyly KSRO qurama komandasy sapyna kirdi. 1986 jyldan Keńester Odaǵynyń kóptegen chempıonattaryna qatysqan jáne birneshe dúrkin júldelerge ıe boldy.
1994 jyly Sankt-Peterbor qalasynda ótken oıynda Halyqaralyq dárejedegi sport sheberi normatıvin oryndady.
1994 jyly Japonııanyń Hırosıma qalasynda ótken Azııa oıyndarynda jeńimpaz boldy, osydan keıin oǵan "Qazaqstan Respýblıkasynyń Eńbek sińirgen sport sheberi" ataǵy berildi.
1995 jyldardaǵy jazǵy (Geteborg, Shvetsııa) jáne qysqy (Barselona) álem chempıonattarynyń kúmis medal ıegeri. Odan keıin 1999 jylǵy (Maebashı, Japonııa) álem chempıonatynda altyn júlde aldy jáne 2000 jyly Sıdneı Olımpıadasynyń chempıony boldy.
2001 jyly Kanadanyń Edmonton qalasynda ótken álem chempıonatynda kúmis júldeni ıelendi. Odan keıin jaraqat alýyna baılanysty Shıshıgına úlken sportpen qoshtasty.
2002 jyly Qazaqtyń memlekettik týrızm jáne sport akademııasyn bitirgen. Osy Akademııasynyń jeńil atletıka kafedrasynyń meńgerýshisi.
І dárejeli "Barys", "Qurmet", "Daryn" ordenderimen marapattalǵan.
