O. Shıshıgına: 2022 jylǵy Olımpıadanyń eń qymbat jobasy - shana-bobsleı trassasy
ALMATY. QazAqparat - 2022 jylǵy Qysqy Olımpıada Qazaqstan úshin aldyndaǵy Reseıde ótken oıyndardan arzanyraq túsedi. Bul týraly búgin Almatyda ótken baspasóz konferentsııasynda QR Parlamenti Májilisiniń depýtaty, olımpıada chempıony Olga Shıshıgına habarlady.
«Qysqy Olımpıadaǵa birneshe sport obektisi ǵana salynady. Eń qymbaty - shana-bobsleı trassasy bolmaq. Kóptegen mańyzdy sporttyq qurylymdar 2017 jyly Ýnıversıadaǵa deıin salynady. Ol muz aıdyndary, olımpıadalyq aýyl», - dedi O. Shıshıgına.
Onyń sózine qaraǵanda, barlyq sport nysandary halyqaralyq standartqa saı salynady.
Eske sala keteıik, 2 qazanda Norvegııa 2022 jyly Osloda qysqy Olımpıada oıyndarynda ótkizýden bas tartqany belgili boldy. Osylaısha 2022 jylǵy Olımpıadany uıymdastyrýda Almatynyń jalǵyz básekelesi Beıjiń ǵana qaldy.
