O. Selteev: N. Nazarbaevtyń ár sózi tarıhı mańyzǵa ıe
ASTANA. QazAqparat - Memleket basshysy N. Nazarbaevtyń ár sóılegen sózi Qazaqstannyń strategııalyq damýynda tarıhı mańyzǵa ıe, dep esepteıdi saıasattanýshy, «Saıasattanýshylar kongresi» RQB basqarma tóraǵasynyń orynbasary - basqarýshy dırektory Orazǵalı Selteev.
Ulyqtaý rásiminde Nursultan Nazarbaev Ulttyń aýqymdy josparyn tanystyrdy. Birinshiden, bul - qazaqstandyq memlekettilikti nyǵaıtý jolyndaǵy naqty 100 qadamnan turatyn 5 ınstıtýtsıonaldyq reformany júzege asyrý.
Ekinshiden, bul - jahandyq qaýip-qaterlerdi esepke alyp, aldaǵy 10-15 jylda qoǵamdy damytý úshin jańa qýatty serpin.
Úshinshiden, bul - Qazaqstannyń aldaǵy ýaqytqa naqty boljamy.
Tórtinshiden, bul - ınstıtýtsıonaldyq negiz quryp, isti sapaly saraptamalyq-taldaýdyń negizinde júıeli túrde júzege asyrý.
Memleket basshysy aıtqandaı, jańǵyrtý boıynsha ulttyq komıssııa qurylady. Oǵan qazaqstandyq bıznes jáne azamattyq qoǵam ókilderi kiredi. Sonymen qatar sheteldik sarapshylardy tartý arqyly Halyqaralyq konsýltatsııalyq keńes qurý kózdelip otyr.
