Ó.Ozǵanbaev Elbasyna elimizde Uly Otan soǵysyndaǵy jeńistiń 70 jyldyǵyna daıyndyq barysy jóninde habarlady

ASTANA. QazAqparat - Elbasy N. Nazarbaev «Qazaqstan Respýblıkasy ardagerler uıymy» respýblıkalyq qoǵamdyq birlestigi Ortalyq keńesiniń tóraǵasy Ómirzaq Ozǵanbaevty qabyldady.

Bul týraly Aqordanyń baspasóz qyzmetinen habarlandy.

Kezdesý barysynda Ó.Ozǵanbaev qoǵamdyq birlestiktiń qyzmeti men aldaǵy kezeńdegi jumys josparlary týraly habardar etti.

Memleket basshysy bizdiń elimizde soǵys jáne eńbek ardagerlerine qajetti kómek turaqty túrde kórsetilip, turǵyn úımen qamtamasyz etý máselesi sheshiletinin, ózge de áleýmettik qoldaýlar jasalatynyn atap ótti.

Ó.Ozǵanbaev elimizde Uly Otan soǵysyndaǵy jeńistiń 70 jyldyǵyn atap ótýge daıyndyq júrgizilip jatqanyn habarlady jáne qazirgi ýaqytta Qazaqstanda 6 myńnan astam soǵys ardageri, 220 myń tyl eńbekkeri turatynyn atap ótti.