O.Qudaıbergenov: Teńgeniń dollarǵa shaqqandaǵy baǵamy taıaý kúnderi 198 teńgeden asýy yqtımal
ASTANA. QazAqparat - Makroekonomıkalyq zertteýler ortalyǵynyń dırektory Oljas Qudaıbergenov teńge baǵamynyń ózgerýine oraı óz pikirin bildirdi.
«Búginde KASE-de ortasha saralanǵan teńge baǵamy 1 dollarǵa 188,38 teńgeni qurady. Degenmen, árıne, barlyǵy da saýda-sattyqtaǵy eń joǵary usynys baǵamy 1 dollarǵa 197 teńge quraǵandyǵyna nazar aýdardy. Tolyqtaı alǵanda, bul baǵdar dáliziniń buǵan deıin belgilengen eń joǵarǵy shegi 198 teńgeniń taıaý kúnderi eńseriletindiginiń belgisi. Aǵymdaǵy dáliz munaı baǵasynyń barreline 55-60 dollar sheginde saqtalýyna eseptelinip bekitilgen edi. Biraq, qazirdiń ózinde munaı baǵasy - 48 dollar. Demek, bıznestiń belgili bir bóliginiń kúrt qunsyzdandyrý (bir sáttik nemese birqalypty oryn alýy mańyzdy emes, biraq sanaýly kún ishinde) talaby qanaǵattandyrylady. Taıaý kúnderi bul máselede aıqyndyq oryn alýy tıis dep oılaımyn», - dep jazdy ol óziniń Feısbýktegi paraqshasyna. Sonymen qatar, ol óziniń kúrt qunsyzdanýǵa qarsy ekendigin, mundaı stsenarııdiń oryn almaýy úshin qolynan kelgen istiń barlyǵyn jasaǵanyn atap ótken. «Eldiń shekaralyq stsenarıı arqyly ótýine týra keletin sııaqty. Sońǵy sátke deıin bulaı bolmaıtyndyǵyna úmit artamyz. Eger teńge baǵamyn túzetý oryn alatyn bolsa, onda kúrt qunsyzdanýdy jaqtaýshylardyń bıznestiń básekege qabilettiligi artýy, jumys oryndarynyń saqtalýy, óndiris ósimi jáne basqa da tańǵajaıyp ýádelerdiń oryndalýyn kútemiz», -dep jazady ol.
