O. Bektenov ákimderge týrıstik ınfraqurylymdy jedel damytýdy tapsyrdy

— Memleket basshysy elimizdegi týrızm men ınfraqurylymnyń damýyna basa mán berip, onyń ınvestorlar úshin aıtarlyqtaı tartymdy sala ekenin atap ótti. Osy baǵytta alǵa qoıylǵan mindetterdi júzege asyrý maqsatynda Jedel úılestirý keńesi jumys isteıdi. Týrıstik nysandardaǵy ınfraqurylym men qyzmet kórsetý salasyna turaqty negizde tekserýler júrgizilip keledi. Jalpy, óńirlerde oń serpin bar. Biraq bul, árıne jetkiliksiz, — dedi O. Bektenov.

Jýyrda Prezıdent Almaty oblysyna barǵan jumys saparynda týrıstik salanyń damýyn synǵa aldy. Prezıdent óńirdiń týrıstik áleýeti men ınfraqurylymyn jedel qarqynmen damytý qajettigin atap ótti.

— Mundaı jaǵdaı basqa oblystarda da baıqalady. Sondyqtan barlyq ákimdikterge týrısterdiń jaıly ári qaýipsiz demalysyn qamtamasyz etip, kórsetiletin qyzmetterdiń sapasyn jaqsartýǵa baǵyttalǵan tıisti ınfraqurylymdy jedel qarqynmen damytýdy tapsyramyn. Salanyń jaı-kúıi ákimderdiń turaqty baqylaýynda bolýǵa tıis, — dedi Úkimet basshysy.

Aıta keteıik, búgin Úkimet týrızmdi damytý máselelerin talqylady.

Buǵan deıin Oljas Bektenov vandalızmge qarsy baqylaýdy kúsheıtýdi tapsyrǵan edi.